तीव्र उतारचढावका बीच बुधबार नेप्से परिसूचक अन्ततः २ दशमलब ९० अंकले घटेर बजार बन्द भएको छ । यस दिन नेप्से १ हजार २ सय ४ दशमलब ८१ अंकमा आइपुगेको छ ।

बुधबार १ सय ६२ कम्पनीको ५१ करोड ४१ लाख ५० हजार १ सय ३७ रुपैयाँ बराबरको कारोबार भएको छ । जबकि मंगलबार ५० करोड ६१ लाख २६ हजार ७ सय ३ रुपैयाँ बराबरको सेयर किनबेच भएको थियो ।

बुधबार युनिलिभर नेपालको २ करोड ५८ लाख रुपैयाँ बराबरको सेयर किनबेच भएको छ। त्यस्तै, नेपाल बैंकको २ करोड ५८ लाख रुपैयाँ बराबरको सेयर खरिद-बिक्री भएको छ ।

यस दिन राधि विद्युत् कम्पनीका लगानीकर्ताले सर्वाधिक कमाएका छन् । कम्पनीको सेयर मूल्य प्रतिकित्ता १७ रुपैयाँ अर्थात् १० प्रतिशतले बढेको छ । त्यस्तै, कर्पोरेट डेभलपमेन्ट बैंकको सेयर मूल्य प्रतिकित्ता ९ दशमलब ६० प्रतिशतले बढेको छ ।

यता, ग्लोबल आइएमई लघुवित्त वित्तीय संस्थाका लगानीकर्ताले सर्वाधिक गुमाएका छन् । कम्पनीको सेयर मूल्य प्रतिकित्ता ८२ रुपैयाँ अर्थात् ८ दशमलब ४२ प्रतिशतले घटेको छ । त्यस्तै, लाइफ इन्स्योरेन्स कम्पनीका लगानीकर्ताले प्रतिकित्ता १ सय १९ रुपैयाँ गुमाएका छन् ।