मलेसियालाई ठूलो अन्तरले हराउँदै नेपाल शीर्षस्थानमा
काठमाडौं जारी त्रिदेशीय त्रिकोणात्मक टी २० सिरिजको लिग चरणको खेलमा नेपाल शीर्षस्थानमा रहेको छ । तीन देश सम्मिलित खेलमा प्रतियोगितामा चारमध्ये तीन खेलमा विजयी नेपालले अन्तिम खेलमा मलेसियालाई ६९ रनले पराजित गरेको छ ।
चारमध्ये तीन खेल जित्दै ६ अंक जोडेको नेपाल लिगको शीर्ष स्थानमा रहेर फाइनल पुगेको हो । नेपालले अब उपाधिका लागि शनिवार नेदरल्याण्ड्ससंग खेल्नेछ ।

टस हारेर पहिले ब्याटिङ गरेको नेपालले २० ओभरमा ७ विकेट गुमाएर २१७ रन बनाएको थियो । २१८ रनको लक्ष्य पछ्याएको मलेसिया १९.१ ओभरमा १४८ रनमै अलआउट भयो ।
जारी प्रतियोगितामा नेपालको ब्याटिङ यसअघिको जस्तो कमजोर देखिएन । चार खेलमा दुई खेलमा नेपालले २०० रन भन्दा बढीको लक्ष्य दिएको छ । यस अघि ३४ टी२० खेलमा भुटानसँग एक पटक मात्रै २०० रनभन्दा बढी बनाएको नेपालले लगातार दोस्रो पटक त्यो कोशेढुङ्गा पार गरेको छ ।
मलेसियाबिरुद्धको खेलमा यसअघि लगातार तीन खेलमा अर्धशतक बनाएका कुशल भुर्तेल १६ रनमै आउट भए पनि आसिफ शेख, ज्ञानेन्द्र मल्ल, दीपेन्द्र सिंह ऐरी र करण केसीको योगदानले नेपालले उच्च योगफल तयार पारेको हो ।
शेखले ३२ बलमा ४२, मल्लले २५ बलमा ४१ र ऐरीले १७ बलमा ३३ रन बनाए । केसी एक समय ११ बलमा सात छक्का हानेर ४४ रनको स्थितिमा थिए र उनले अर्को बलमा छक्का प्रहार गरेको भए भारतका युवराज सिंहले सन् २००७ मा बनाएको तीव्र अर्धशतकको कीर्तिमान बराबरी गर्थे । तर उनले अर्को बलमा एक रन लिए र त्यसपछिको बलमा आउट भए ।
उनी र कुशल मल्लको ब्याटिङले नेपालले सत्रौँदेखि उन्नाइसौँसम्म तीन ओभरमा ६३ रन जोडेको थियो । कुशल मल्लले १० बलमा १९ रनको योगदान दिए । नेपाली ब्याट्सम्यानहरूले कुल १९ छक्का र नौ चौका प्रहार गरेका थिए ।
नेपालले दिएको विशाल लक्ष्इ पछ्याउने क्रममा मलेशियाले विजयको लागि तीव्र गतिमा रन बनाउनु पर्ने थियो । तर म्यान अफ द म्याच सोमपाल कामीले तीन ओभरभित्र दुई विकेट लिएपछि त्यो कार्य असहज बन्यो ।
अहमद फैजले ३१, अमिनुद्दिन रामलीले १८ बलमा ४१ रन बनाएर स्कोर अगाडि बढाउन खोजे पनि नियमित अन्तरालमा मलेशियाले विकेट गुमायो । नेपालका लागि सन्दीप लामिछाने, कामी र कमल ऐरीले तीन(तीन विकेट लिए ।
यो प्रतियोगिताका चार खेलमा लामिछानेले एघार विकेट लिएका छन् । अघिल्लो खेलमा उनी करण केसीलाई उछिन्दै नेपालको लागि सबैभन्दा बढी टी २० विकेट लिने बलर बनेका थिए ।
उनले हालसम्म २४ खेलमा ४५ विकेट लिएका छन् । केसीले ३२ खेलमा ४१ र कामीले ३२ खेलमा ३१ विकेट लिएका छन् ।
तपाईंको प्रतिकृया
ताजा समाचार
- जनमोर्चाका सांसद आईसीयूमा भर्ना, सत्ता जोगाउन गुण्डागर्दी गरेको कांग्रेसको आरोप
- सीमावर्ती जिल्ला र काठमाडौंमा होल्डिङ सेन्टर बनाइने, प्रजिअलाई निषेधाज्ञाको अख्तियारी
- प्रकृतिको वरदान काफल र ऐँसेलु
- सडक निर्माणसंगै वजार क्षेत्र विस्तार
- वाग्मती प्रदेशमा महिलासहित तीन मन्त्री र एक राज्यमन्त्री थप
- सक्रिय संक्रमितको संख्याले सीमा नाघ्यो- बुधबार थपिए चार हजार आठ सय ९७
- गण्डकी प्रदेशमा जनमोर्चाका सांसद गायब- प्रदेशसभा अनिश्चितकालका लागि स्थगित
- नेपालको आर्थिक वृद्धिदर ३.१ प्रतिशतमा सीमित रहने एडिबीको प्रक्षेपण
- एनआरएनए जापानको आर्थिक अनियमितता छानबिन समितिको अबधि पुनः थप
- जसपाको माग पूरा हुँदै एक सय २० अभियुक्तका मुद्दा फिर्ता
- मुख्यमन्त्री गुरुङविरुद्धको अविश्वासको प्रस्तावमा बुधबार नै निर्णय हुने
- कोरोना संक्रमणको भयावह स्थिति- दुई सय ८८ को परीक्षण गर्दा दुई सय ३३ मा पुष्टि
- सुर्खेत र नेपालगञजमा थप पाँचजना कोरोना संक्रमितको मृत्यु
- कोरोना महामारीको कठोर सत्य आफ्ना नजिकैका अस्पतालमा गएर हेर्नु
- केसीको निधनले गल्कोट समाज जापान स्तब्ध
- वीरगञ्ज र विराटगरमा गरी उपचाररत चारजना सङ्क्रमितको मृत्यु
- एक सय २५ महिला बेचिनबाट जोगिए
- कञ्चनपुरमा एक हप्ता लकडाउन
- भेरी अस्पतालका ७० स्वास्थ्यककर्मी कोरोना संक्रमित
- काँकडभिट्टामा भारतीय नागरिकको अनावश्यक आगमनमा रोक
फेसबुक

ट्वीटर
Tweets by @mynepaljapan
सामाजिक सञ्जाल
ठाकुर गैरे
विश्वप्रकाश शर्मा
@PM_Nepal को ध्यान जाओस्
कमल थापा
बाबुराम भट्टराई


