साउदी गएको तीन महिनामा कोमामा पुगेर बाँचेका भुजेलको उद्धार
परिवारको आवश्यकता पूरा गर्ने, छोराको उचित पालनपोषण गर्ने र सहज जीवनयापनको सपना बोकेर वैदेशिक रोजगारीका लागि साउदी अरब पुग्नुभएको थियो मोरङका वेदबहादुर भुजेल । आफूले साउदीमा भनेको जस्तो काम नपाएपछि उहाँ बेखर्ची मात्र होइन गैरकानुनीरुपमा बस्न बाध्य हुनुभयो ।
आफ्नो परिवारमा खुशी ल्याउने इच्छा पालेर साउदी पुगेका भुजेलको जिन्दगीमा नसोचेको बज्रपात पर्यो । साथीभाइको सहयोगमा गैरकानुनी हैसियतमा रहेर पनि एक कम्पनीमा सामान्य काम शुरु गरेका भूजेल कामकै क्रममा ठूलो दुर्घटनामा पर्नुभयो ।

उहाँ स्थानीय अस्पतालमा साढे दुई वर्षसम्म उपचारका लागि भर्ना हुनुभयो । त्यस अवधिमध्ये तीन महिनासम्म त भूजेल कोमामा पुग्नुभएको थियो । परदेशमा बेखर्ची रहेका भूजेलेलाई अस्पतालले रु दुई करोड ५० लाख ९८ लाख (२३ हजार रिहाद)को बिल थमाइदियो । खानबस्नसमेत समस्यामा परेका भूजेल अस्पतालको बिल देखेर छाँगाबाट खसेजस्तै हुनुभयो ।
बिल तिर्न नसक्ने भएपछि साउदी अरबको रियादस्थित फ्यामेलीकियर अस्पतालले उहाँविरुद्ध मुद्दा दायर गरेको थियो । सोही मुद्दाका कारण भूजेलले साउदी अरब छाड्न नपाउने स्थिति भयो । विभिन्न माध्यमबाट उहाँ नेपाली दूतावास र गैरआवासीय नेपाली सङ्घको सम्पर्कमा आउनुभयो । दुई वर्षदेखि नेपाली दूतावासको सेल्टरमा रहेका भूजेलको मुद्दा फिर्ता गराउन नेपाली दूतावासले पहलकदमी लियो ।
नेपाली दूतावासको विशेष पहलकदमीपछि अस्पतालले भूजेलविरुद्ध अदालतमा रहेको मुद्दा फिर्ता लिइदियो । भूजेलको मुद्दा त फिर्ता भयो तर नेपाल फर्कने कुनै उपाय लागेन । आर्थिकरुपमा निकै कमजोर रहेका भूजेलको सहयोगका लागि नेपाली दूतवास साउदीले गैरआवासीय नेपाली सङ्घलाई आग्रह गर्यो र उहाँको नेपालसम्मको उद्धारको जिम्मेवारी सङ्घले लिएको सङ्घका प्रेस संयोजक चिरन शर्माले बताउनुभयो ।
सङ्घको कोभिड–१९ राहत तथा उद्दार कार्यक्रमअन्तर्गत उहाँलाई साउदीदेखि विराटनगरसम्म पुग्न आवश्यक हवाई टिकट, काठमाडौँमा बस्न तथा खानाको व्यवस्था गरिएको थियो । उहाँको सहयोगार्थ सङ्घले आफ्ना स्वयंसेवक परिचालनसमेत गरेको थियो । विराटनगरबाट घरसम्म जानका लागि गाडीसमेतको व्यवस्था सङ्घले मिलाएको थियो । गैरआवासीय नेपाली सङ्घले सञ्चालन गरेको वैदेशिक रोजगारीमा रहेका नेपालको उद्धार र पुनःस्थापना कार्यक्रमअन्तर्गत भूजेलको सम्पूर्ण खर्च व्यहोरेर उहाँलाई परिवार समक्ष बुझाएको हो । भूजेलको आर्थिक अवस्था अत्यन्त नाजुक रहेको छ ।
वैदेशिक रोजगारीका लागि रु एक लाख चर्को ब्याजमा ऋण लिएका भूजेलको ऋण अहिले ब्याजसहित रु तीन लाख ५० हजार भन्दा बढी नाघिसकेको छ । परिवारसँगको भेटपछि प्रसन्न रहेका भूजेल अब के गर्ने भनेर चिन्तित हुनुहुन्छ । साउदी अबरस्थित नेपाली दूतावासले बिहीवार एक विज्ञप्ति जारी गर्दै उहाँको उपचार खर्च मिनाहा गर्ने रियादस्थित फ्यामेलीकियर अस्पताल, स्वदेश फिर्तिको लागि आवश्यक सम्पूर्ण प्रवन्ध गरिदिने गैरआवासीय नेपाली सङ्घलगायतलाई धन्यवाद ज्ञापन गरेको छ ।
सङ्घका उपाध्यक्ष एवम् वैदेशिक रोजगार तथा कल्याणकारी विभागका संयोजक डा बद्री केसीले वैदेशिक रोजगारीमा अलपत्र परेका नेपाली श्रमिकलाई राहत तथा उद्दारको काम जारी रहेको बताउनुभयो । उहाँले सङ्घको यस कार्यक्रमअन्तर्गत सेप्टेम्वर २०२० देखि हालसम्म ’कोभिड–१९’का कारणले समस्यामा परेका १७ हजारभन्दा बढी नेपाली श्रमिकलाई राहत तथा उद्दारसम्बन्धि सहयोग पु¥याएको जनाउनुभयो ।
तपाईंको प्रतिकृया
ताजा समाचार
- जनमोर्चाका सांसद आईसीयूमा भर्ना, सत्ता जोगाउन गुण्डागर्दी गरेको कांग्रेसको आरोप
- सीमावर्ती जिल्ला र काठमाडौंमा होल्डिङ सेन्टर बनाइने, प्रजिअलाई निषेधाज्ञाको अख्तियारी
- प्रकृतिको वरदान काफल र ऐँसेलु
- सडक निर्माणसंगै वजार क्षेत्र विस्तार
- वाग्मती प्रदेशमा महिलासहित तीन मन्त्री र एक राज्यमन्त्री थप
- सक्रिय संक्रमितको संख्याले सीमा नाघ्यो- बुधबार थपिए चार हजार आठ सय ९७
- गण्डकी प्रदेशमा जनमोर्चाका सांसद गायब- प्रदेशसभा अनिश्चितकालका लागि स्थगित
- नेपालको आर्थिक वृद्धिदर ३.१ प्रतिशतमा सीमित रहने एडिबीको प्रक्षेपण
- एनआरएनए जापानको आर्थिक अनियमितता छानबिन समितिको अबधि पुनः थप
- जसपाको माग पूरा हुँदै एक सय २० अभियुक्तका मुद्दा फिर्ता
- मुख्यमन्त्री गुरुङविरुद्धको अविश्वासको प्रस्तावमा बुधबार नै निर्णय हुने
- कोरोना संक्रमणको भयावह स्थिति- दुई सय ८८ को परीक्षण गर्दा दुई सय ३३ मा पुष्टि
- सुर्खेत र नेपालगञजमा थप पाँचजना कोरोना संक्रमितको मृत्यु
- कोरोना महामारीको कठोर सत्य आफ्ना नजिकैका अस्पतालमा गएर हेर्नु
- केसीको निधनले गल्कोट समाज जापान स्तब्ध
- वीरगञ्ज र विराटगरमा गरी उपचाररत चारजना सङ्क्रमितको मृत्यु
- एक सय २५ महिला बेचिनबाट जोगिए
- कञ्चनपुरमा एक हप्ता लकडाउन
- भेरी अस्पतालका ७० स्वास्थ्यककर्मी कोरोना संक्रमित
- काँकडभिट्टामा भारतीय नागरिकको अनावश्यक आगमनमा रोक
फेसबुक

ट्वीटर
Tweets by @mynepaljapan
सामाजिक सञ्जाल
ठाकुर गैरे
विश्वप्रकाश शर्मा
@PM_Nepal को ध्यान जाओस्
कमल थापा
बाबुराम भट्टराई


