वर्षको दोस्रो कारोबारको दिन नेप्से परिसूचकमा दोहोरो अंकको वृद्धि भएको छ । सोमबार नेप्से परिसूचक १७ दशमलव ४२ अंकले बढेर १ हजार २ सय ९७ दशमलव ५७ को बिन्दुमा आइपुगेको छ । यस दिन परिसूचकसँगै कारोबार रकममा पनि उल्लेख्य वृद्धि भएको छ ।

सोमबार १ सय ६७ कम्पनीको ५७ करोड ६८ लाख ६१ हजार ८ सय ६३ रुपैयाँ बराबरको सेयर किनबेच भएको छ । जबकि आइतबार ३० करोड ३१ लाख २८ हजार २ सय ७७ रुपैयाँ बराबरको सेयर किनबेच भएको थियो ।

सोमबार कारोबारमा आएको अन्य समूहबाहेक अरु समूहमा हरियाली छाएको छ । यो समूहमा १ दशमलव २१ अंकको गिरावट आएको छ ।

यता, बिमा समूह अन्तर्गतका लगानीकर्ताले सर्वाधिक कमाएका छन् । यो समूहमा २ सय ९३ दशमलव २४ अंकको वृद्धि भएको छ । त्यस्तै, माइक्रोफाइनान्स समूह अन्तर्गतका लगानीकर्ताले ७२ दशमलव ११ अंकको वृद्धि भएको छ भने होटल समूहमा ५२ दशमलव १६ अंकको वृद्धि भएको छ ।

सोमबार प्रभु इन्स्योरेन्सको सर्वाधिक सेयर कारोबार भएको छ । कम्पनीको २ करोड ८१ लाख ५९ हजार ५ सय ८ रुपैयाँ बराबरको सेयर खरिद बिक्री भएको छ । त्यस्तै, प्रिमियर इन्स्योरेन्सको २ करोड ३३ लाख ९८ हजार ४ सय १ रुपैयाँ बराबरको सेयर खरिद बिक्री भएको छ ।

सोमबार प्रुडेन्टियल इन्स्योरेन्सका लगानीकर्ताले सर्वाधिक कमाएका छन् । कम्पनीको सेयर मूल्य प्रतिकित्ता १० प्रतिशत अर्थात् ७० रुपैयाँले बढेको छ । त्यस्तै, ग्लोबल आइएमई लघुवित्त वित्तीय संस्थाका लगानीकर्ताले प्रतिकित्ता १ सय २ रुपैयाँ कमाएका छन् ।

यता, पछिल्लो दिन ओरालो लागेको नेपाल लाइफ इन्स्योरेन्सको संस्थापक सेयरका लगानीकर्ताले सोमबार पनि सर्वाधिक गुमाए । कम्पनीको सेयर मूल्य प्रतिकित्ता ८७ रुपैयाँ अर्थात् ९ दशमलव ९५ अंकले गिरावट आएको छ । त्यस्तै, राधी विद्युत् कम्पनीका लगानीकर्ताले प्रतिकित्ता ७ रुपैयाँ गुमाएका छन् ।