क्यान्सरको उपचारपछि आराम गरीरहेका भारतीय क्रिकेट खेलाडी युवराज सिंहले ट्वान्टी ट्वान्टी विश्वकप क्रिकेट खेल्ने संभावना बढेको छ ।

श्रीलंकामा आगामी सेप्टेम्बर र अक्टोबरमा हुने प्रतियोगिताको लागि सार्वजनीक गरिएको संभावित ३० खेलाडीको सुचीमा युवराज सिंहलाई पनि राखिएको छ ।

क्यान्सर रोग लागेपछि अमेरीका गएर तिन महिनासम्म उपचार गराएका सिंह गत अप्रिलमा भारत फर्किएका थिए । सन् २०११ को नोभेम्बरमा अन्तिम क्रिकेट म्याच खेलेका सिंहले त्यसपछि क्लव र अन्तराष्ट्रियस्तरमा कुनैपनि खेल खेलेका छैनन् ।

यसअघि गत विश्वकप क्रिकेटमा भारतलाई विजेता बनाउन महत्वपुर्ण भुमीका खेलेका युवराज सिंह उक्त प्रतियोगिताको उत्कृष्ट खेलाडी घोषित भएका थिए । श्रीलंकामा १८ सेप्टेम्बरमा सुरु हुने टी-२० विश्वकपमा १२ टोलीको सहभागिता रहनेछ । इङ्ग्ल्याण्ड डिफेण्डिङ च्याम्पियन हो ।