टोक्यो, ओलम्पिक २०२० को आयोजना गर्ने अनुमती प्राप्त गर्नका लागी जापानले ओलम्पिक २०२० को नारा सार्बजनिक गरेको छ । बिश्वब्यापी उक्त प्रतियोगताका लागी जापानले “भोलीको खोजी” नामक नारा सार्बजनिक गरेको हो ।

प्रस्तावित आयोजकहरुमा जापानको टोक्योसगै प्रतिस्पर्धामा स्पेनको मड्रिड र टर्कीको इस्तानबुल रहेका छन । जापानको प्रस्ताबित नाराले प्रेरणा र गतिशिलताको आभाष गराउने कमिटीका अध्यक्षले जनाएका छन । अध्यक्षका अनुसार आफुलाई पुर्ण बिश्वास भएको र आफु छनोट भएमा ओलम्पिक को मर्म र मान्यता अनुसार सही ढङ ले खेल को आयोजना गर्ने थियौ ।

अन्तरराष्ट्रिय ओलम्पिक कमिटी ले टोक्यो, मड्रिड र इस्तानबुल लाई प्रस्ताबित गरे पस्च्यात उक्त देशका बिभिन्न खेल निकाय र कमिटी ले आफ्नो ठाउलाई ओलम्पिक आयोजना स्थल बनाउन कम्मर कसेका छन । छनोट मा जुन शहर उत्कृष्ट हुन्छ, त्यहाँ २०२० को ओलम्पिक को आयोजना हुने छ । अन्तरराष्ट्रिय ओलम्पिक कमिटी ले गरेको सर्वे मा भने टोक्यो लाई जनता को जम्मा ४७% मत प्राप्त भएको थियो । उता मड्रिड र इस्तानबुल लाई भने क्रमश ७३% र ७८% मत प्राप्त भएको थियो ।