विश्वकै सर्वाधिक ठुलो खेल उत्सव ओलम्पिक सुरु हुन अव तिन दिन मात्रै बाँकी छ । गृष्मकालिन ओलम्पिकको यो तीसौं संस्करणको लागि विश्वभरका खेलाडी, खेल पदाधिकारी तथा अतिथिहरु बेलायतको राजधानी लण्डन पुग्ने क्रम सुरु भएको छ ।

लण्डन ओलम्पीकको सम्पुर्ण तयारी परा भईसकेको छ भने खेलाडीहरु ओलम्पीक भिलेजमा प्रवेश गर्न थालिसकेका छन् । लण्डन ओलम्पीकको भव्य आयोजना मार्फत बेलायतले विश्वमा आफ्नो विकाश, संवृद्धी र सभ्यताको उदाहरण दिन खोज्दैछ । ओलम्पिकको औपचारीक उद्घाटन नजिकिंदै जाँदा ओलम्पीक ज्योतिलाई अहिले लण्डनको विभिन्न भागहरुमा परिक्रमा गराईदैछ । यसपटक ओलम्पिकको मार्च पाशमा किर्तीमानी साईकल राईडर क्रिश होएले ग्रेट ब्रिटेनको टोलीको नेतृत्व गर्दै झण्डा बोक्नेछन् ।

यता विश्व खेल जगतका सदावहार हस्तीहरु अमेरीका र चिनले आफ्नो दुष्मनीलाई फेरी एकपटक लण्डनमा नविकरण गर्दैछन् । सोभियत संघको विघटनपछि विश्व खेलकुदमा एकछत्र राज गर्दै आएको अमेरीकालाई ओलम्पिकको गत संस्करणमा चिनले हराएको थियो । आफ्नै शहर वेईजिङमा आयोजित २९ औं गृष्मकालिन ओलम्पिकमा अमेरीकालाई दोस्रो स्थानमा छाड्दै चिन विजेता बनेको थियो ।

लण्डन ओलम्पिकले अमेरीका र चीनलाई वास्तविक प्रतिस्पर्धाको लागि तटस्थ भुमी प्रदान गर्नेछ र अवको तिन हप्ता पछि समकालिन विश्व खेलकुदको वास्तविक विजेताको छिनोफानो हुनेछ ।