श्रवण खनाल हेल्सिन्की–खेलकुदको माध्ययमद्वारा यहाँ छरियर रहेका नेपालीहरुलाई एकत्रित गर्ने उदेश्यका साथ प्रबासी नेपाली सँघ फिन्ल्याण्डले  जुलाई २४ र २५ गते राजधानी हेल्सिन्कीमा भलिबल प्रतियोगिता सम्पन्न गरेको छ।

सँघको खेलकुद समितिद्वारा सँयोजन गरिएको उक्त प्रतियोगितामा ६ वटा समुहले भाग लिएका थिए।  पहिलो दिनको खेल लिग चरण (बेस्ट अफ थ्री)मा र फाईनल खेल बेस्ट अफ फाइभमा खेलाइएको थियो। यो बर्ष महिलाहरुले पहिलोपटक भलिबलमा भाग लिएको हुनाले खेलमा निकै रौनक छाएको थियो। पुरुषतर्फ ४ समुह मध्य रुद्रावती ए र गाँउले समहु लीग चरण मै सिमित रह्यो भने फाइनल खेलमा रुद्रावती  बी ले मिक्स ग्लोरीलाई ३-२ ले पराजित गर्दै फाईनल जित्न सफल भयो। अघिल्ला दुई बर्ष लगातार बिजयी बनिसकेको रुद्रावती बी ले यो जित सगै रनिङ् शिल्ड सधैंको लागि आफ्नो बनाएको छ। त्यसैगरि महिला तर्फको खेलमा रुद्रावती सी ले एकता समुहसंग ३-० को अंकका साथ आफूलाइ बिजयी बनाउन सफल रह्यो। प्रतियोगितामा मिक्स ग्लोरीका अनिल बाँनिया र एकता समुहकी सम्झना भण्डारी क्रमश पुरुष र महिला तर्फबाट उत्कृष्ट खेलाडी घोषित भएका थिए।

प्रतियोगिताका बिजयी समुहहरुलाई एन आर एन फिन्ल्याण्डका  अध्यक्ष डा अरुण पोखरेल र उपाध्यक्ष देवी दत्त शर्माले संयुक्त रुपमा शिल्ड, पदक तथा प्रमाणपत्र बितरण गर्नु भएको थियो। कार्यक्रममा छोटो मन्तब्य दिंदै अध्यक्ष पोखरेलले भलिबल खेल अतिनै सशक्त रहेको र आगामी दिनमा थप अन्य खेलहरुको आयोजना गरिने बताउनु भयो ।  यसका साथसाथै यहाँ रहेका सम्पुर्ण नेपालीहरुलाई एन आर एनमा आवद्ध भएर आर्थिक एबम सामुहिक रुपले सशक्त बनाइदिन अपिल गर्दै सँस्थाका अन्य गतिबिधीबारेमा जानकारी गराउनु भएको थियो।