लन्डनमा जारी विश्वप्रसिद्ध प्रतियोगिता लन्डन ओलम्पिक–२०१२ को पहिलो स्वर्णपदक चीनको पोल्टामा परेको छ । ३० औं गृष्मकालीन ओलम्पिकको पहिलो स्वर्ण हातपार्ने भाग्यमानी चीनकी सुटर यि सिलिंग हुन् ।

२३ वर्षीया सिलिंगले १० मिटर एयर राईफल स्पर्धामा पहिलो स्वर्ण जितेकी हुन् । उनले पूर्व विश्व नम्बरवान पोल्याण्डकी सुटर सिल्विया बोगालाई  ०.७ अंकले पाराजितगर्दै विश्वकै नम्बर एक खेलाडी बनिन् ।

यसैबीच सुटिङमा सहभागिता जनाएकी नेपाली खेलाडी स्नेहा राज्यलक्ष्मी राणा पहिलो चरणबाटै बाहिरिएकी छिन् । उनी १० मिटर एयर राईफल स्पर्धाको पहिलो चरणमा ५४ औं स्थानमा रहेकी थिइन् ।